話說有一日陪我朋友去買信紙，我問佢男人老狗買嚟做咩，佢話最近識咗個筆友，依家都互相寫信比大家。我見咁old school嘅野反而有興趣，就學佢買咗啲信紙返屋企，但苦無筆友對像，於是問下係邊到識筆友，佢話求其寫個地址就寄去，睇下人地有咩反應同肯唔肯做筆友。
我見幾得意！於是上網求其搵個屋村地址就寄去，我寫埋回郵地址比佢回信。但一直都無回音，可能人地當我變態佬所以無理我，於是我再搵地址寄多啲出去，終於唔洗一星期，我就收到封回郵信件。
打開一睇，啲字好整齊好靚，而且仲要係女仔嚟!我唔係行運行到咁呀！？
本來開頭真係純粹解悶搵個筆友傾下計，為平淡嘅生活帶點期待，去Check信箱都Check得密左。傾落我發覺同佢好夾，佢好鐘意唱歌，我問佢平時係咪唱開K，佢話平時都留係屋企，無得出去。我見佢寫住無得出去，我直覺上覺得佢係宅女，家規都應該幾嚴，不過就係咁先正! 咁個女仔先又Pure又True！
唔知點解開始對佢有幻想，好想同佢進一步發展，我知係做筆友大忌，但我都忍唔住想問佢拎Whatsapp傾，點知佢又肯喎!我開心到死，似乎佢對我無咩反感，我地關係又咁好，佢又單身，我相信我地將會有一個好好嘅發展機會。
後來我同佢幾乎每日都傾Whatsapp，大家曖曖味味，我仲要求佢不如錄音唱歌比我聽，但佢唔肯，話有機會先。於是我再進一步行動，想睇佢個樣，你知啦，萬一對方係豬排，咁我點兜？
於是擔粗粗咁搵話題問佢:「最近我廋咗，我相信你都肥過我！」我故意挑釁。
佢話:「唔信，無人可以廋過我。」
之後我死都話係，唔信大家Send相比大家睇下。
（點圖看全文）
多多比like同支持
Search